برقيــــة تعــــازي للبيت الابيض بعد 11 سبتمبر

قيلت هذه القصيدة بعد احداث سبتميبر الشهيرة يعزي فيها الشاعر امريكا ويتهكم في نفس الوقت من افعالها في العالم وما جلبته من دمار لامريكا وللانسانية .

برقيــــة تعــــازي

أنا من ايعزّي امركا في عزاها أنا من يعزّي عزاهم في كسر شوكتهم وفي طغياهم أنا اللي نحرص على مزاياهم أنا اللي انحب لقعاد معاهم أنا اللي نذكر وما ننساهم أنا اللي دمي نفي حذاهم

ويسهر الليل معاها ولا العمر تانقدرا انرد كفاها في امواتهم وآلاف من جرحاهم في أحلامهم وأوهامهم ودهاها يرجعلهم وافي وما نمنـــّاها فيهم حضارة وعولمة ووجاهة وين ما ضوينا طمسنا بيداها لحسوه حتىّ كبدتي مضغاها

أنــــــــــا مـــــــــن يعـــــــــــــزي أمركــــــــــــا فـــــــي عزاهــــــــــا

أنــــــــــــــا من يعـــــــــزي بــــــــــــــــــوش وفي لشاهقات الفي السّحاب تنوش وأهل المظالم شيء ما يدوموش ويا ناس انتم زي ما ريتوش زرعتوا زرارع غير ما حصدتوش ذوقوا كما ذقنا وما تقلوش

في قتل أهله وفي خراب الحوش خليت وحقد الغاضبين سواها يكوو إبمحاور قبل ناس كواها قداش عثتوا في العباد سفاها جي وقتها بديتوا اتلموا فاها ليام راهي اتدور بمــّالها

أنــــــــــا مـــــــــن يعـــــــــــــزي أمركــــــــــــا فـــــــي عزاهــــــــــا

ليـــّــام راهـــــــــــــــي إقــــــــــــــــــــلال وإنتم ضربتوا الشعب بالنبال لا عندكم لا حارمة لا حلال يا ما ذبحتوا من ارجالي رجال قد ما يطول الوقت زاد إطوال أنا معاك غير مكبلتني أغلال

يتغيروا على ألف حال وحال واللي جفى بالكور كورتاها كيف كيف كل الناس دمرتاها وياما نهبتوا أموال هربتوها لازم زرارع زرعكم تجناها ولفكار كان الله يعلم باها

أنــــــــــا مـــــــــن يعـــــــــــــزي أمركــــــــــــا فـــــــي عزاهــــــــــا

أنا من ايعزي كلنتن وفي هبل عقله وفي ظلامه المنتن وفي لندرا وفي ألمانيا وفي بنتن ويا شقر يزيكنش مازينتن لا يوم ريت حنانكن لا احنتن أنا من يعوضكم ويزن انتن

في حرق نيورك وفي واشنطن وفي جهل علمه وخبرته وأخطاها وفي حلف حلف الفاسقين معاها وهتاو زينتكن عياط واها الا اليوم ريت دموع عالخداها راهي دموع الشقر خسرناها

أنــــــــــا مـــــــــن يعـــــــــــــزي أمركــــــــــــا فـــــــي عزاهــــــــــا

أنا من ايعزّي الشّعب تانقول حتىّ إن في كلامي الصعب شياطين لعبوا بالخلايق لعب وين يدخلوا لازم معاهم شغب كل الجزى فينا قعد في الجعب نندب على روحي ودمعي دعب

وهو شعب أول من سقانا الرعب التاريخ يشهد فعلها ومنشاها بالغرطسة والجهل ينفخ فاها وين ما انبنت بلاد يحتلوها وخلّي اتبرع ناسنا بادماها أنا جنازتي لا من مشالي وراها

أنــــــــــا مـــــــــن يعـــــــــــــزي أمركــــــــــــا فـــــــي عزاهــــــــــا

أنــــــــا جنازتــــــــــــــــي محقـــــــــــورة وهما جنايزهــــــــم منـار ونـــــــــــــــورة يستاهلـــــــوا بأصواتنــــــا والصّـــــــــورة يرضــوا وما تكونــــش علينا الغـــــــــورة خلي ايذلـــــوا شعوبنــــــــا المقهـــــــــورة يــــارب خلــط جـــــــارة ومجــــــــــرورة

شاعـــــر ومتبنــــي أفكـــــــــــار الثــــــــورة حتــــــى أيمتنــــــا اتصلـــــــي علاهــــــــــــا وقفـــت دقائـــــق صمــــــت رحمناهــــــــــــا موش حكم ربي حكمنــــا بإيــــــــــداها وأما الكراسي إمحصنين علاها وكدّس حروف أليف على بعضاها

أنــــــــــا مـــــــــن يعـــــــــــــزي أمركــــــــــــا فـــــــي عزاهــــــــــا

- تمــــــــــــــــت –

علي لسود الشتوي المرزوقي

التاريخ : 20-09-2001

للاستماع للقصيدة

Boomp3.com